Linies diretives
Vijion
1° La Biblioteca provinziela "Teßmann" cun si patrimone universel y la culezion unica de leteratura regiunela ie la biblioteca plu cunesciuda y de majera mpurtanza de Südtirol.
2° Cun si gran ufierta de media scientifics, i truep servijes y si personal cumpetënt y despunibl iela n fator de mpurtanza tla vita culturela de nosta provinzia y na seva che sustën Südtirol coche raion de istruzion y de economia.
Miscion
3° La biblioteca "Teßmann" se vëij nstëssa coche:
Zënter de nfurmazion: biblioteca universela scientifica per la promozion dla nrescida, dla furmazion prufescionela y permanënta.
Zënter de documentazion: culezion de documënc revardënc l patrimone y l'arpejon culturela de Südtirol.
Zënter de comunicazion: luegia de stude y de comunicazion.
4° La "Teßmann" à la ncëria de cunservé y mëter a despusizion dantaldut media de rujeneda tudëscia y ladina.
Prinzips d'azion
5° Nëus cunlauradëures se cruzion che chi che vën te nosta biblioteca ébe riesc azes ai libri y ai media. Se cruzion nce che i giate nfurmazions de uni sort n cont di media eletronics. A chësta moda sustenions la capazità di zitadins de Südtirol de se nuzé de chësta nfurmazions y de manejé criticamënter i media.
6° Nëus se nuzon de tecnologies modernes y de strumënc de management per dejëujer nosta ncëria y cunlauron cun la istituzions locales, naziuneles y nternaziuneles che nes stima coche partner cumpetënt.
7° Nosta urganisazion nterna ie carateriseda da dejëujamenc de lëur tleres, da lëur de team, da n stil diretif cooperatif y da na atmosfera de lëur plajëivla. I obietifs de lëur auc che se meton dant arjunjons tres nosta cumpetënza tecnica y comunicativa che cialon for de miuré y seguré tres na furmazion regulera.
8° Udon nosta biblioteca coche luech de savëi y de comunicazion te n ambient da sté saurì. La cualità dla permanënza vën nce data da locai plajëivli y linëusc, da n ntëurvia curà y da lueges che dà la puscibltà de paussé.
9° Coche cunlauranc de na istituzion de servisc viva se urientons aldò di bujëns di utënc. Si sodesfazion cun l servisc ie l critere dla cualità de nosc lëur. Na cunsulënza ndividuela che tòl ite dut cie che ie debujën n cont dl azes y la crissa de nfurmazions ie nosta rezeta per l suzes.
10° Senton ite nosta ressurses a na maniera mireda tenian nce cont dla spëises. Nosc fin ie chël de pudëi pité n servisc efizient for daviert al miuramënt.
11° Tres n lëur atif y mirà de realazions publiches fajons cunëscer nosta biblioteca y purtons pro a fé avané si bon inuem.
1° La Biblioteca provinziela "Teßmann" cun si patrimone universel y la culezion unica de leteratura regiunela ie la biblioteca plu cunesciuda y de majera mpurtanza de Südtirol.
2° Cun si gran ufierta de media scientifics, i truep servijes y si personal cumpetënt y despunibl iela n fator de mpurtanza tla vita culturela de nosta provinzia y na seva che sustën Südtirol coche raion de istruzion y de economia.
Miscion
3° La biblioteca "Teßmann" se vëij nstëssa coche:
Zënter de nfurmazion: biblioteca universela scientifica per la promozion dla nrescida, dla furmazion prufescionela y permanënta.
Zënter de documentazion: culezion de documënc revardënc l patrimone y l'arpejon culturela de Südtirol.
Zënter de comunicazion: luegia de stude y de comunicazion.
4° La "Teßmann" à la ncëria de cunservé y mëter a despusizion dantaldut media de rujeneda tudëscia y ladina.
Prinzips d'azion
5° Nëus cunlauradëures se cruzion che chi che vën te nosta biblioteca ébe riesc azes ai libri y ai media. Se cruzion nce che i giate nfurmazions de uni sort n cont di media eletronics. A chësta moda sustenions la capazità di zitadins de Südtirol de se nuzé de chësta nfurmazions y de manejé criticamënter i media.
6° Nëus se nuzon de tecnologies modernes y de strumënc de management per dejëujer nosta ncëria y cunlauron cun la istituzions locales, naziuneles y nternaziuneles che nes stima coche partner cumpetënt.
7° Nosta urganisazion nterna ie carateriseda da dejëujamenc de lëur tleres, da lëur de team, da n stil diretif cooperatif y da na atmosfera de lëur plajëivla. I obietifs de lëur auc che se meton dant arjunjons tres nosta cumpetënza tecnica y comunicativa che cialon for de miuré y seguré tres na furmazion regulera.
8° Udon nosta biblioteca coche luech de savëi y de comunicazion te n ambient da sté saurì. La cualità dla permanënza vën nce data da locai plajëivli y linëusc, da n ntëurvia curà y da lueges che dà la puscibltà de paussé.
9° Coche cunlauranc de na istituzion de servisc viva se urientons aldò di bujëns di utënc. Si sodesfazion cun l servisc ie l critere dla cualità de nosc lëur. Na cunsulënza ndividuela che tòl ite dut cie che ie debujën n cont dl azes y la crissa de nfurmazions ie nosta rezeta per l suzes.
10° Senton ite nosta ressurses a na maniera mireda tenian nce cont dla spëises. Nosc fin ie chël de pudëi pité n servisc efizient for daviert al miuramënt.
11° Tres n lëur atif y mirà de realazions publiches fajons cunëscer nosta biblioteca y purtons pro a fé avané si bon inuem.