Descuride osta proscima letöra preferida cun le Catalogh complessif provinzial myArgo.bz!

Ne ëise nia ciamó ciafé na bela letöra por chësc isté? Tres le catalogh complessif provinzial myArgo.bz ciafarëise dessigü le dër liber.
Chiride fora n liber danter chi aconsiá tles scafes di libri desvalies, danterater dla scomenciadia „Liesmich – Leggimi 2024“, di titui premiá tröc iadi di “Bücherwelten” o dla scafa sön l'inteliënza artifiziala.
Surapró podëise ince ves lascé aconsié da n "generadú a caje de propostes de beletristica" 20 stories o romans chiris fora a caje dal patrimone di ultimi agn dla Biblioteca provinziala Dr. F. Teßmann (selezionan le lingaz todësch) o dla Biblioteca zivica C. Battisti (selezionan le lingaz talian). Le generadú a caje pó gní ativé tan de iadi che an ó. Tres le Catalogh complessif ciafëise atira fora te ci biblioteches de osc comprensore che al é n titul che ves interessëia.

Düc i libri dla Biblioteca provinziala Dr. F. Teßmann, dla Biblioteca provinziala taliana Claudia Augusta y dla Biblioteca zivica C. Battisti de Balsan pó ti gní mená debann a na biblioteca de osc comprensore liada al Imprëst interbibliotecar dl Südtirol. Dailó podëise jí a se do y dé indô derevers i media che i ëis aposté.

I pröms cënt leturs y leturies che dij la parora "Zufall", canche ai/ares vá a se tó n liber diretamënter tla Biblioteca provinziala Teßmann, ciafará na sorpresa!