Josef Riedmann ti à dat na merca ala nrescida y al nseniamënt dla storia medievela y locala de Dispruch. Si nfluënza à na fazion che va scialdi sëura i cunfins academics ora y arjonj truepa persones nteressedes ala storia. Si lëures scientifics se cunzentrea dantadlut sun l Medieve aut  y tardif, ma l trata nce tematiches de storia cuntemporera. Na tematica zentrela ie la relazions y i pruzesc de barat danter l raion de rujeneda tudëscia y chël de rujeneda taliana. L volum ie na culezion de cincanta lëures seleziunei che ie unic publichei danter l 1972 y l 2018 y spidlea l’atività scientifica de Riedmann.

Julia Hörmann-­Thurn und Taxis (prufessëura straurdinera per la storia dl Medieve y la scienzes storiches ausilieres al’Università de Dispruch) y Gustav Pfeifer (diretëur dl Archif provinziel a Bulsan) prejentea l volum n. 377 dla Schlern-Schriften. Brigitte Mazohl (Österreichische Akademie der Wissenschaften) moderea la sëira.

Dala 20:00