N'imaja dij fora plü de mile parores – mo podunse spo ince ti avëi crëta? Ci informaziuns nes dá pa les fotografies storiches? Co y olá vëgn pa tignides sö chëstes imajes por les generaziuns dl dagní? Chëstes y d'atres domandes sön le significat dla fotografia por la storia é la tematica zentrala de chësta sëra. Cater espertes y esperc presentará coleziuns de fotografies importantes dl tëmp passé y baiará dl fat sce chëstes fotografies fej veramënter jö la realté o sce ara se trata de formes bonories de "fake news".

Hannes Obermair (Eurac Balsan) á publiché dan da püch les fotografies dl pater Ambros Trafojer, che documentëia la vita incër le convënt Muri-Gries tratan i dezens passá. Katia Malatesta (Suraintendënza por i bëgns y les ativités culturales, Trënt) stlarësc la funziun dla fotografia tla storia dl'ert tres les operes esigëntes dal punt de odüda estetich dl fotograf Sergio Perdomi, che rodâ cun so aparat da fá jö fora por le Trentin y le Südtirol tl scomenciamënt dl 20ejim secul. Alessandro Campaner (Archif provinzial) y Marlene Huber (Ofize Film y media) presentëia les fotografies fora de sü archifs y baia dles desfidades che an incunta da conservé chisc documënc de imajes tan importanc.

Na mësa torona por talian y todësch moderada da Adina Guarnieri (Geschichte und Region/Storia e regione).

Na manifestaziun dla Biblioteca provinziala Dr. Friedrich Teßmann y "Geschichte und Region / Storia e regione" en colaboraziun cun l'Archif provinzial.