La vera é na cossa da ëi. Mo tratan la secunda vera mondiala á tröpes ëres lauré sciöche personal ausiliar tla defenüda cuntra i fligri, telefonistes, traduturies y ince vardianes ti ciamps de conzentramënt.
Che ê pa chëstes ëres che laurâ por la Wehrmacht o les SS? Anna Ruepp tocâ pro le personal ausiliar tla defenüda cuntra i fligri a Minca, Hedwig Zonta s’â anunzié de süa buna pro les Waffen SS y ê radiotelegrafista, Therese Marchetti Neubauer ê la responsabla dl proviant te n lazaret de vera tl nord dla Germania, Martha Flies Ebner laurâ te n’ofize dl’organisaziun Todt tla Talia dl nord, Paula Plattner laurâ tl ciamp de transit a Balsan y é gnüda condanada por sü reac.

Thomas Hanifle, nasciü dl 1976, stüde de sciënzes dla comunicaziun a Viena. Jornalist y cineast lëde, al á davagné dl 2006 le pest Claus Gatterer (2006). Pro la ciasa edituria Raetia d. a.: redadú di recorc de Luis Raffeiner „Wir waren keine Menschen mehr“ (2010), Luis Seebacher „Wenn alles in Scherben fällt“ (2012), Hilde Kerer „Ich war ein Blitzmädel“ (2014) y editur di diari de Claus Gatterer „Claus Gatterer. Ein Einzelgänger, ein Dachs vielleicht“ (2011).
Adina Guarnieri, nasciüda dl 1987 a Balsan, á studié storia dl’ert, bëgns culturai y slavistica a Desproch y Trënt. Profesciun lëdia sciöche publizista culturala, film maker y traduturia. Dal 2018 incá pro la surastanza Geschichte und Region / Storia e regione.

Na manifestaziun dla Biblioteca provinziala Dr. Friedrich Teßmann y dl’Edition Raetia.

Dales 20:00 | Entrada dales 19:30
Gnide prëibel por tëmp y ora! Resservede n post da senté tres le sistem de prenotaziunsön la plata web dla Biblioteca provinziala! La manifestaziun vëgn tignida tl salf de letöra dla Teßmann tl respet dles mosöres de segurëza varëntes.