N l ann 2025 iel l 500ejim aniverser dla vieres di paures. L storich Peter Blickle les ova n iede definedes “la revoluzion dla jënt ala bona”. Ma a dì bel l’aurità ne fovel ntlëuta perdrët no sta n avenimënt zentrel no propi na drëta revoluzion. Te raions defrënc dl Sacher Mper Roman se ova i paures rebelà, datrai sustenii da uemes de zità melcuntënc, contra la tlasses de pudëi. La nsurezions fova tosc finedes via nce ajache i rebei ne fova nia liei da ideies politiches tleres. Coche Ralf Höller mostra su te si liber nuef, fova l Tirol de chësc viers n pue’ na ezezion: tl prinzipat dl vescul de Persenon ova i nsurënc sëurantëut l temont y damandà che la nubiltà y l tlerus unisse definitivamënter stluc ora dal pudëi. Canche si cumandant Michael Gaismair ova purtà dant l’idea de na Republica dl Tirol se sentiva la Cësa de Habsburg provocheda. L arziduch Ferdinand I., l suvran dl Tirol che ie plu tert deventà Mperadëur, ova po cumandà che Gaismair unisse mazà.

Ralf Höller, l autor, rejona cun Roland Sila (Bibliotech Ferdinandeum) y Martha Verdorfer (Michael-Gaismair-Gesellschaft).

Na manifestazion metuda a jì deberieda dala Biblioteca provinziela Dr. Friedrich Teßmann, dala cësa editëura Raetia, dala Sozietà Gaismair, dal Archif provinziel y dala lia Tiroler Geschichtsverein Bulsan VFG.