“Sce l ne fossa deguna stampa y deguna lidëza de stampa, ne fossel no lidëza y no democrazia”, à Heribert Prantl scrit te una de si rubriches. Ma co funziunea pa la stampa y la lidëza de stampa al didancuei? Canche Heribert Prantl dij la sia, iel for dassënn bon de formulé si argumënc desmustran n gran savëi. Dan che l ova scumencià coche redadëur dla “Süddeutsche Zeitung” al laurà tla ncëria de giudesc y ministere publich tl Bayern. Al didancuei iel prufessëur unerer de giurisprudënza dla università de Bielefeld. 25 ani alalongia fovel a cë dla repartizion de politica naziunela y ot ani alalongia cumëmber dla caporedazion, ulache l ie restà inant autëur de rubriches nce do che l ie jit n pension. Nce te plu de 20 libri al tëut pusizion n con’ dla politica y sozietà y ie unì unerà cun truep pesć.
Te si referat ti cëlel plu avisa ala lidëza de stampa y al jurnalism n prejënza dla ndesfidedes de nosc tëmps.

Prof. Dr. Heribert Prantl à studià giurisprudënza, storia y filosofia y à sëuraprò na furmazion da jurnalist. L scrij rubriches y ie autëur pra la “Süddeutsche Zeitung”, ulache l ie sta per 25 ani a cë dla repartizion de politica naziunela y ot ani alalongia cumëmber dla caporedazion. L à publicà plu de 20 libri y à giapà truep pesć, uneranzes y aprijedes. Per si articuli de prima n con’ dla gran festes cristianes ti à l’università de Erlangen-Nürnberg sëurandà l dutor honoris causa dla teologia. L ie prufessëur unerer de giurisprudënza tla università de Bielefeld y do l stude al laurà sies ani alalongia tla ncëria de giudesc y ministere publich tl Bayern.

Na manifestazion dl Ufize linguistich tl Südtiroler Kulturinstitut, dla Biblioteca provinziela Dr. F. Teßmann y dl Orden di jurnalisć dl Trentin-Südtirol.